احنا شعب نكدي
حقيقة بتأكد منها كل يوم
في عز مابنضحك تلاقينا قطعنا الضحكة وقلنا خير اللهم اجعله خير
وكأن لازم بعد كل فرح يجي نكد وحزن, او ان الضحك دا شيء ممنوع ولازم بعده عقاب
دايما واحنا مبسوطين تلاقي حد قاعد بيحسب عواقب الانبساط دا, وقاعد بيفكر في الأحداث السيئة اللي هتحصل بعده
ليه في حاجة اسمها دموع الفرح؟
اختراع عبقري
كمان اختراع يستحق الشعب المصري جايزة نوفل عليه: لما تلاقي واحد كويس الناس تقول عليه ابن موت
طب ليه؟
عشان كل شيء حلو لازم يختفي بسرعة
ومن ثوابت الشعب العظيم ان ماينفعش حد يستمتع بأوقاته, لازم يفكر نفسه بالهم والغم كل شوية
هو اه عيشتنا في حد ذاتها نكد
بس دا مش معناه نعيش نفسنا فيه ليل مع نهار
ولا ايه؟
ولسة للكلام باقي
هناك تعليقان (2):
دوكت متقلقيش ده مؤنث دوك بس معاه محو امية
موضوع حلو النكد بتاع الشعب ده
انا معاكى طبعا ان ده حمل زيادة على الاعصاب وضغط نفسي انك تنكد على نفسك بنفسك وتتوقع كل ماهو سئ فى اجمل الاوقات واسعدها
لكن من ناحية تانية ومخبيش عليكى انا مشفقة جدا على الشعب ده تقدرى تعتبريه موروث تاريخى طول عمره طيب وبيرضى بقليه وبيتكيف مع اى وضع وبردو طول عمره بتظهر له ناس تسرق ابسط حقوقه فى الفرحة وتسود عيشته فبقى مرتبط عنده الفرح بالحزن والابداع بالانتهاء ولانه مقدرش يفهم حقيقة الموضوع لان محدش اداله فرصة يفهم وقضى على احلامه وهى بتتكون بقى غلبان وتحول الامر لوسواس زى الطفل اللى لما ابتدى يتعلم يمشى كل مرة يقع وتحصله اصابة فبطل يمشى وارتبط عنده دايما المشى بالالم والحزن فافتكر ان المشى نفسه مؤلم ومحزن
دمتِ بكل خير عزيزتى
نسيت اقولك انى رؤية يا دوك
مسائك فل
إرسال تعليق